Nakapangan pa sa previous owner ang title sa yuta

Dear Atty. Divine,

Gibaligyaan ko og yuta sa akong iyaan. Nakahimo na mi og Deed of Absolute Sale ug notarized na.  Ako na sab nga na-process sa BIR ug duna na koy  Certificate Authorizing Registration or CAR. Apan pag-submit nako sa Register of Deeds , gipangitaan man ko nila og titulo kay titled ang lot ug nakapangan sa  previous owner nga maoy gipalitan  sa akong iyaan. Ang titulo naa pa sa Register of Deeds wa pa daw ma claim sa previous owner. Unsay angay nako nga buhaton? Daghang salamat. —Jenelle

Dear Jenelle,

Kun nakapangan ang title sa previous owner ug wa nakapangan sa imong iyaan, mas maayo nga imong pangitaon ang previous owner aron ilang makuha ang original title nga wa nila ma claim ug human niini, imong huwaman ang original title aron imong ma-submit sa Register of Deeds, kinahanglan sab nimong pangitaon ang Deed of Sale nga gipirmahan sa previous owner ug sa imong iyaan ug imo sab kining i-submit sa BIR aron pagbayad og Capital Gains Tax og Documentary Stamp Tax ug ang CAR niini imo sab nga i-submit sa Register of Deeds lakip na ang imong CAR ug ang copy sa original title aron ma-process na ang pag-transfer sa  titulo ngadto sa imong name.  Thanks and God bless. —Atty. Divine

* * *

Alang sa inyong pangutana , palihug lang sa pag rmail sa [email protected] ug akong tubagon ang inyong pangutana pinaagi  sa akong column matag Miyerkules, Sabado ug Domingo.