Pagpamalandong sa Malangkubong kaayohan

Sa makadaghang higayon nga ako maghilog dunay mga hiloganan nga maayo ang panglawas apan dili ang ilang pangisip. Ang uban nila, labina kun anaa na sa baba sa kamatayon, magpunay na ang og yawit kaha tingali kay bisan unsa na lamang ang mosulod nga ideya sa ilang hunahuna.

Nahinumdom nuon ko nga duna toy niyaya sa akong pag-umangkon kaniadto ang talukahaw lamang nasul-an nga tungod niini nagpataka na lang siya og yawyaw og bisan unsa. Way laing nahimo mao lamang ang pagpadala kaniya ngadto sa doktor.

Ang delirium matud pa usa ka short period of disturbed perception and thought which mimics psychosis. Symptoms can include hallucinations, delusions, paranoia, perceptual distortion, loss of bodily control, twitching and inability to concentrate. Causes of which are brain tumors, head trauma, alcohol, and poisoning.

Ning panahon sa pandemiya daghanan nato ang tingali naka-developed og delusion nga nakalingkawas na kita sa problema sa pandemiya. Sa laktod daghan ang nipili nga mamahimong diehard sa giilang lider bisan pa man kun kini wala nay tataw nga pamaagi sa pagdala kun maghisgot kita og suliran.

Sa atong kinabuhi karon nahimong daw atong gigamit na lang ang atong imahinasyon sa paglingaw sa atong kaugalingon inay ang paggamit niini sa paghimo og hustong hukom ngadto sa atong palibot ug sa atong kinabuhi ingon nga mga tawong malambigiton. Traumatic kining maong hitaboa, wa pay labot sa mga gihimong paghilo sa atong tagsatagsa ka mga hunahuna ug pagbati.

Kining gihimo natong paglingaw sa kaugalingon ginamit ang atong imahinasyon paagi kini sa pagpamasin nga kita mabuhi gihapon mahuman ning maong pandemiya nga nihugpa kanato. Tinuod anaa ang dakong posibilidad sa pag-over think apan imbis negative ang atong i-feed in sa atong  hunahuna mas labing maayo nga mo focus lang kita sa bisan unsang maayo ug dili ang dautan.

Atong himoon kining mosunod:

1. Hunahunaa nga mahinungdanon ka alang sa Dios.

2. May mahimo ka alang sa imong katilingban ug dili ka tawo nga gahi og ulo. Malisud lang ang pagsunod sa gilatid nga balaod sanglit ang gilatid nga balaodnon wala man magtan-aw sa imong kahimtang ingon nga kabahin sa panaw ni Haring Lungsod.

3. Lihok ug paghimo og maayo kay kining buhata iya man sa Ginoo ug dili iya sa demonyo!