Ning panahon sa dakong kalisdanan

Subo palandungon nga nahibalik na pud sa ECQ ang dakbayan sa Sugbo. Daghang mga military inubanan sa ilang mga tangke de giyera pun-an pa sa daghang isyu kalabot ining tuob. Dili ikalimod nga anaa ang kaguliyang, pagbinasolay sa usag-usa ingon man ang panegurohay sa usag-usa nga mabuhi.

Dunay mga panginahanglan sa  kasamtangan apan sa laing bahin dunay pipila nga imbis motutok sa mas mahinungdanon mas gipalabi man nuon ang kalabot sa ngalan nga pagausbon.

Ngano man kaha? Matud pa sa panultihon sa katiguwangan: "Rolling stone gather no moss!" kun wa tay focus malisod alang nato ang pagbaton sa kalamposan sa tanan natong panlimbasog. Daghan ang nagpakamao nga tungod niini malisud alang nato kun kinsa ang angayang tuohan ning panahon sa dakong kalisdanan.

Unsa man kaha ang angayan natong himoon?

Awareness  kun ang pagkahimatngon nga dunay dakong problema ning maong panahona. Ang COVID-19 nga gikan sa Wuhan, China.

Kay aware naman kita niini dili maayo nga ato lang kining i-take for granted. Kay kon ato kining i-take for granted basin mao ni hinungdan nga mapapas ta sa kalibotan. Busa angayan lamang nga ato ning seryoson bahala na og overreaction ang atong mahimo basta ang mahinungdanon luwas kita ingon man ang atong pamilya.

Acceptance. Ang pagdawat nga dako kaayo ta og kakuwangan labina kun maghisgot kita sa pasilidad. Nga tungod niini kinahanglang mamahimo kitang mamugnaon sa atong paningkamot nga mabuhi apan unta kinahanglan kini gipailawom pud og hustong proseso sa siyensiya.

Action. Human mapamalandongi tukmang panahon na usab nga ato kining himoan og action plan diha sa pagsulbad ning maong problema karon.

Lisud kaayo nga magdugay ta nga walay trabaho ug magpunay lang og pundo sa atong tagsatagsa ka mga pinuy-anan sanglit kini man ang hinungdan nga mas maboryong ang atong panghunahuna. Lisud kini nga sitwasyon ug ang tanan apektado gyud.

Matag mata nako sayo sa buntag akong nakita ang akong kaugalingon nga namalandong agig balik lantaw niadtong panahon nga wala pay COVID-18.

Ang tanan maayo kaayo apan, sa laing bahin, ang tanan kumpiyansa ra kaayo nga tungod niini daghanan nato ang wala gyud tawon makapangandam mao nga karon nagkamuritsing kitang tanan.

Apan sagdi lang kay dili pa uwahi ang tanan. Kutob sa atong mahimo kita manlimbasog inubanan ang dakong pagsalig nga ang Dios dili gyud magpasagad.