Problema sa trapiko

Giingon nga mas grabe ang problema sa trapiko sa Sugbo kay sa Manila. Kini tungod kay huot ang atong kadalanan ug nagkadaghan ang mga sakyanan sa kadalanan.

Ang mga bright natong mga leader nakakita’g solusyon. Sa ato nang nahisgutan dinhi, ang bright nilang solusyon mao ang pagpausbaw sa buhis sa mga sakyanan sa kadalanan, aron diyutay na lang ang maka-afford pag-acquire og mga brand new nga sakyanan. Sa ingon, ma-decongested and trapiko.

Bright  idea?  Magkamahal ang sakyanan, magkataas ang excise tax. Sa ato pa, ilang i-discourage ang pag-manufacture og mga behikulo, kon mahimo, ilang tak-upan ang nga planta nga manggama og mga sakyanan sa kadalanan.

Unya, unsay mahitabo sa local automotive industry? Unsay mahitabo sa mga yanong lungsoranon nga tipik sa ilang mga damgo mao ang pag-angkon og kotse? Bisag multicab na lang.

Pastilan, mao ra ba kini ang bugtong solusyon pagsulbad sa problema sa trapiko sa atong nasud? Mao ra man og nagpasayon lang sila.

Ug sa ato nang gibalikbalik dinhi, usa sa nakatampo sa suliran sa trapiko mao ang kahuyang pagpatuman sa mga balaud sa trapiko, kon lax in the enforcement of traffic laws and regulations, ug ka-walay disiplina both sa mga motorista ug pedestrian.

Ayaw hikawi ang Pinoy pag-angkon og kaugalingong sakyanan.