Sa nahitabo karon sa kalibutan makapangandoy kita nga unta April Fools Day karon nga usa lang ka dakong komedya o hoax ang nahitabong pagkatap sa coronavirus disease nga kon makamatngon kita maulian ra dayon kay usa lang diay ka hoax ang tanan.
Sama sa usa ka dautang damgo nga sa pagmatay dili diay tinuod ang pagkatap sa COVID-19.
Apan kining tanan nahulog lang sa “UNTA” tungod kay dili kini usa ka komedya kon dili kamatooran nga dili dala matius nga nahitabo gyud.
Naay usa ka Korean movie nga giulohan og “Derange” diin natakboyan ang mga tawo og kagaw nga mopuyo sa ilang lawas, exagerated ang naasoyng pelikula apan walay kalainan sa nahitabo karon.
Fiction ang pelikuha apan ang Coronavirus reyalidad nga padayong mikuyanap sa tibook kalibutan nga nakakalas na og daghan nga kinabuhi.
Abi nako og sa pelikula lang kini nahitabo apan tinood gyud diay kini nga makaingon kita nga “UNTA” kutob lang sa pelikula.
Sa pagkakaron kasagaran mga adunahan ang natakdan o kadtong mga adunay position sa kagamhanan kay sila man ang dunay katakos sa pagbiyahe sa bisan asa busa prone sila sa pagtakod sa virus.
Gawas pa, sila usab ang makadali sa pagbayad sa covid-19 test, pero basin daghan na mga kabus ang nataptan apan wala lang makapa test maong wala masayri.
Dili na mahitabo nga kutob lang sa “UNTA” o pangindahay ang tanan busa igo nalang kita pagpaabot kanus-a molurang ug mawagtang ang naasoyng balatian.
Moingon nalang sab kita nga “UNTA” aduna nay tambal batok sa coronavirus aron dili na madugangan pa ang mga mamatau tungod sa virus.
Mahitabo kini kun ang mga tawo mokooperar sa gobiyerno ilabi na ang social distancing ug ang stay at home.
“UNTA” makaabot sa mga tawo ang hinabang alang kanila ug dili mapolitila, Unta makalingkawas kita sa krisis aron mabalik sa normal ang atong kinabuhi.