Wa ma-process ang registration

Dear Atty. Divine,

Duna koy pangutana  labot sa akong Annulment. Na grant na kini last year apan pagkuha nako og CENOMAR sa PSA wa man ma annotated  ug wa sab ma annotate sa akong Certificate of Marriage ang pag grant sa akong annulment. I tried to contact my lawyer apan wa man  siya mo-reply. Unsay angay nako nga buhaton? Daghang salamat.

Edna

* * *

Dear Edna,

Kinahanglan nimo nga i-process ang Annotation ug Registration sa imong Annulment nga gi grant sa Korte kay dili kini automatic nga motatak sa imong records sa PSA. Kun di na nimo makontak ang imong lawyer,  mamahimong ikaw o ang imong representative ang mo process niini. Una nimong buhaton mao ang pagkuha og Certified True Copy  sa imong  Petition, sa Decision og sa Certificate  of Finality  nga tag 3 sets each gikan sa Korte. Human niini imong i-submit sa Local Civil Registrar nga maoy nag issue sa imong Marriage  Certificate alang sa Annotation og Registration after that ibalik sa Civil Registrar nganha nimo ang ubang copies  niini og mao kini ang imong ipadala sa PSA Manila  aron ma-annotated ang imong Annulment sa imong Marriage  Certificate og sa imong Cenomar. Kinahanglan kini nimong ma-comply aron kun magplano kang magminyo pag-usab di ka maproblema sa imong records sa PSA. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon  ang inyong pangutana pinaagi sa akong column matag  Miyerkules, Sabado ug Domingo.