Bulkan, Kalibutan ug Katawhan

Sa mosugot ta og sa dili daghan nato ang nahimong mahadlok gyud labina kun maghisgot na kita og mga volcanic eruptions, linog ug uban pang katalagman. Kini tungod kay daghan nato ang dili pa gyud andam tingali nga mamatay. Mao ni ang gihambin sa kadaghan sa dihang nibuto ang Bulkang Taal sa Batangas. Hangtud karon padayon sa gihapon ang atong mga pag-ampo ingon man pagtabang sa nagkadaiyang mga paagi alang sa atong mga kaigsuonan alang sa mga taga Batangas. Timalilhan lamang  kini nga katawhan kitang nagpakabana labina gyud panahon sa katalagman.

Bulkan

Ang atong nasud nahisakop sa Pacific Ring of Fire. Mao n ga sama sa uban duna sab kitay mga bulkan ug dili kay bulkan lang duna pud kitay mga fault lines. Segun sa akong nabasahan dinhi sa atoa duna pud kitay mga fault lines nga anaa sa mga dapit sama sa Toledo, Danao, Sibonga, Moalboal, Badian, Alegria, Argao. Kining maong mga fault lines matud pa sa mga eksperto kun sa hataas nga panahon wala gyud malihok kuyaw kuyaw nga makahatag kini og dakong kadaut labina kun nagpundo kini og igong enerhiya. Sa Mindanao sa Davao del Sur pananglitan duna sab sila ana didto. Mao nga hangtud karon padayon gihapon ang tay-og. Ang nakapahimo niining misteryoso mao nga nagbalhin balhin ang mga epicenters niini. Ambot lang kaha kun ngano. Ang West Valley Fault sa kaulohan ang nagpaabot na gyud sa the Big One kay lagi hinog naman kini matud pa sa PHIVOLS.

Kalibutan

Kasagaran kaniadto akong gihisgotan ang tawhanong kalibutan. Ning tungora atong hisgotan ang kalibutan nato ingon nga planeta. Sa  makadaghang higayon ang atong planeta ang gihulga sa nagkadaiyang mga pagbangga sa Asteroids ngari nato. Gani karong 2029 atong gipaabot si Apophis nga matud pa sa taga NASA makahatag gyud og segurong kalaglagan. Gani ang mga Astro physicists sa laing bahin ang ni project man nga nagkahinay ang solar activity sa atong Adlaw nga kun moabot ang panahon nga siya mamatay mahimo siyang black hole ug por lo menos kini na ang atong katapusan. Dugang pa nagkahinay na kuno ang spinning kun pagtuyok sa kalibutan sa axis niini. Mga pangagpas nga kun dili man gani mahatagan og igong pagpasabot mamahimong makahatag og tumang kalisang sa kadaghaghanan sa atong mga kaigsuonan. Apan mosugot ta o sa dili ang kalibutan nato tiguwang na gyud ug kun siya matapos kabahin lamang kana sa han-ay sa kinaiyahan ug sa balaod sa Uniberso.

Katawhan

Nahimo kitang balisa ning maong mga hitabo sa atong palibot apan kun buot hunahunaon kita gipahimatngonan lamang nga:

1. Tuldok ra gyud ta sa tibuok uniberso ug gani ang atong lantip nga pangisip ang maglisud pagtugkad sa misteryo.

2. Busa dili kita angay nga magpasulabi sa atong gibati kay kun buot hunahunaon wa gyud tay mahimo gawas sa pag-ampo nga ang Dios mohatag og lugway sa atong kinabuhi.

3. Pahigmata kini sa atong pag abusar sa kalikupan. Unta siya atong atimanon kay kun dili nato siya atimanon nan, mamahimong mobalos gyud siya kanato ug sa among pagpanimalus ambot asa kaha ta puniton.