Mi expire na ang Certificate Authorizing Registration or Car
Dear Atty. Divine,
Ang akong inahan dunay na inherit nga properties from her parents. Iya nang gibayran ang Estate Tax og duna na siyay Certificate Authorizing Registration or CAR gikan sa BIR.
Nabalhin na sa iyang pangan ang tax declaration sa properties but ang wa niya matransfer mao ang mga title niini.
Pag-submit niya karon sa Register of Deeds wa dawata ang CAR kay expired na.
Ang akong pangutana kun unsay buhaton sa akong mama sa mi expire na nga CAR? Daghang salamat.
Lera
* * *
Dear Lera,
Ang buhaton sa imong mama mao ang pag request sa BIR og re-issuance sa CAR.
Dad-on niya ang tanang original documents sa BIR ini’g request niya og re-issuance kay ila man kining kuhaon tanan inig process.
Once mo issue na og bag-ong CAR ang BIR then mao kini iyang i-submit sa Register of Deeds alang sa pag-process sa transfer sa titulo sa mga property nga iyang na inherit. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana piinaagi sa akong column matag Miyerkules, Sabado ug Domingo .
- Latest
