Tenant gustong bayran sa landowner
Dear Atty. Divine,
Ang akong mga ginikanan mga tenant og nagtikad sila sa yuta sud na sa 50 ka tuig. Karon ang anak sa tag-iya gusto nga ila nang bawion ang yuta kay sila na ang motikad. Gitanyagan sila nga bayran og P150,000.00. Ang akong pangutana kun makatarunganon ba kining ilang tanyag? Unsay angay nilang buhaton? Daghang salamat.
Ving
* * *
Dear Ving,
Basi sa Comprehensive Agrarian Reform Program kon CARP law, ang mga tenant adunay security of tenure busa dili kini basta basta nga mapapahawa gawas lang kun duna kini nahimo nga kasalanan sama sa wa paghatag sa bahin sa owner, or iyang gikawatan ang owner, pwede sad siyang mapahawa kun boluntaryo niyang iuli ang property or ang tenant ug land owner nagkasinabot nga ibalik na ang yuta. Sa kaso sa imong mga ginikanan gitanyagan sila og bayad sa landowner so depende ra na nila kon ila bang dawaton. Apan sa imong pangutana kon reasonable ba ang P150,000.00 nga tanyag mas maayo nga adto mo mokunsulta sa Department of Agrarian Reform or DAR aron magiyahan mo sa inyong desisyon og at least mahibaw an ninyo kon reasonable ba ang maong tanyag ug kun dapat ba kining dawaton sa inyong mga ginikanan. Thanks and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest
