Karsada nga nahimong sapa

Hugaw ug baho nga tubig ang mibaha nga walay paghubas nga giantos karon sa mga molupyo sa Poblacion Pardo, Cebu City.

Imbes mga sakyanan nga naay ligid, bote o sakayan sa dagat na ang gigamit sa mga molupyo sa Sunrise Village ang ilang gigamit aron makaagi sa baha.

Hilabihan ka baho nga dili gyud masingo dungan sa tubig nga murag ata sa nokos ka itom ang nagpasulabi sa dapit.

Gani bisan wala nay ulan lawom gihapon, samot na kon mag-uwan hilabihan sa ka kalbaryo ang ilang kahimtang.

 Si DR. JOSEPHINE VALENCIA usa sa mga molupyo ang apektado tungod kay nakapagrabe kuno sa sakit nga cancer ang kahimtang sa ilang lugar.

24 Oras nga masimhot nila ang kabaho sa palibot maong mosamot gyud kuno siya ka luya.

Ang ilang mga kabtangan nangaguba na sad sama sa mga sakyanan, gani naay mga apartment sa dapit nga wala nay mga tawo kay nahisama naman sa lake ang ilang kahimtang.

Delikado gyud kaayo sa katawhan nga posibleng mangasakit kon dili maaksyonan ang problema.

Matud sa kapitan sa barangay Manolita Litang Abarquez dugay na nilang giaksyonan ang problema apan limitado sanglit ang luna nga agianan sa tubig natukoran naman og edipisyo.

Ang tag-iya sa luna dili man sad mosugot nga tandugon ang luna kay kon mamugos ang barangay sila man sad ang mag-atubang og kiha.

Sa City government na magpatabang ang mga molupyo nga unta masolusyonan ang ilang problema.

Dili mahimo nga mo-surrender nalang kay nakataya ang panglawas sa mga molupyo sa dapit.