Dear Atty. Divine,
Duna koy gipalit nga property og duna mi gipirmahan nga Deed of Absolute Sale with the seller. Apan wa nako mapanotaryohi ang Deed of Sale ug wa sab nako ma-process ang transfer. Karon akong nahibaw-an nga gibaligya og usab sa previous owner ang yuta nga akong napalit. Ang akong pangutana kun pwede pa ba nako mabawi ang maong property nga akong napalit? Unsay angay nako nga buhaton? Daghang salamat.
Ramon
* * *
Dear Ramon,
Basi sa balaod kun dunay nahitabo nga double sale sa usa ka property ang mas dunay katungod niini mao ang unang nakaparehistro sa iyang pagpalit o unang naka-process sa pag-transfer sa property or kun kinsay unang mi occupy sa property or kun kinsay labing unang nakapalit sa property. Apan kun ang ikaduhang buyer sa property maoy unang naka-process sa transfer ug buyer in good faith siya, meaning wa siya masayud nga napalit na diay ang maong property then siya ang mas dunay katungod sa property. Sa imo nga kaso, wa nimo panotaryuhi ang Deed of Sale ug posible nga wa sab nimo gi occupy ang property hinungdan nga nakahunahuna og baligya pag usab ang previous owner. So kun buyer in good faith ang second buyer siya ang mas dunay katungod apan mamahimo gihapon nimong questionon ang ikaduhang pagbaligya ilabi na kun duna kay mga testigo nga moprobar nga ikaw ang unang nakapalit niini. Una nimong buhaton mao ang pagpasaka og reklamo sa barangay batok sa previous owner ug sa second buyer. Kun di mo ma-settle sa barangay then pwede ka modangop sa korte and let the court decide kun kinsa ninyong duha ang mas dunay katungod sa property. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.