Si Marta ug kita

Hulyo 21, 2019: Ikanapulog-Unom

nga Domingo sulod sa tuig

Mga Pagbasa:  Gen. 18;1-19/Sal. 15/

Col. 1;24-28/LK. 10;38-42

Daghan  kanato ang buot gyud unta nga mamahimong makahuman og daghang trabaho. Ning maong tinguha nakalimtan nato ang bili sa husto ug malipayong pagpahuway.

Dili nato kondenahon si Marta ug daygon lang dayon nato si Maria kay si Marta lagi puno sa pagabi abi og mga buhat sa hospitalities.

Gihimo lang pud niya ang iyang makaya aron malipay ang magtutudlo ug gihimo usab ni Maria ang iyang kaugalingon nga mamahimong andam ug taganang maminaw sa pagtulon-an sa magtutudlo. Silang duha dunay nahimo. Apan mas labing maayo nga balansehon gyud ning duha. Dili paigo ang pagtrabaho lang aron mabuhi ug dili sab husto ang kanunay nga pagpahuway at the expense sa atong kaugalingong panudlanan kay way mosulod tungod kay wala man kita maningkamot.

Nahinumdom nuon ko sa pagtulon-an ni San Benito Abad. Siya ang amahan sa Monasticismo sa kasadpan. Nahimo siyang inila sa mga pulong nga: ORA ET LABORA. Komentaryo pa nila nga balanse gyud kaayo ang pamaagi ni San Benito.

Dili kaayo grabe ug kutas ang ritmo sa pag-ampo, pagtuon ug pagbuhat.

Dili diay paigo ang pag-ingon nga MY WORK IS MY PRAYER kinahanglan nga ato kining puy-an sa atong kinabuhi. May panahon sa pag-ampo, may panahon sa pagtrabaho.  Sa ato pa balance gyud.

Karong adlawa masaksihan dinhi sa Parokya ni San Pedro Calungsod sa Mohon, Sogod ang makasaysayanong pagkonsagrar sa among balay simbahanan. Ning paagiha nahimong gipahinumdoman kita nga ang Templo kun Cum Templum nagpasabot diay og pagsulod sa presensiya sa Dios. Ang maong building kasinatian sa pag-ampo ug pahimatngon sa matag usa nga ang atong gihimo dinhi usa ka katilingbanong pagtambayayong aron atong masulod ang presensiya sa Dios nga atong gitugotan nga mosulod usab kanato. Nahimo kitang nililhok apan sa laing bahin nag-ampo nga mobunga og mga maayong buhat.

Kay matud pa “Work without prayer is a vain occupation and prayer without action is a false devotion.”