Sa natad sa pamangko adunay bank secrecy law nga magdili ni bisan kinsa pagpakisayud sa mga deposito ug ubang mga transaksyon sa bangko sa laing tawo. Kon pananglitan, duna koy bank savings deposit nga ten thousand dollars (dollar gyud), walay bisan kinsa ang makapakisayud sa maong deposito.
Maoy hinungdan nga dili kita masayud kon pilay bank deposit sa mga dagkung negosyante o sa imong adunahan nga silingan nga walay klarong kinitaan ug tinubdan sa iyang pagka-adunahan.
Niining maong Bank Secrecy Law, covered kitang tanan, apan sukad sa tuig 2001 pa, buot ni Senador Ping Lacson nga ma-exempted sa maong balaud ang tanang opisyales sa kagamhanan. Iyang gi-refile ang iyang balaudnon nga mag-exempt sa mga opisyales sa gobiyerno gikan sa bank secrecy law.
Naturally ug understandably wala kini makadawat og support gikan sa kauban niyang mga Senador. Sa ato nang giingon kining maong kampanya ni Lacson sukad pa sa tuig 2001, apan wala gayud ka-suportahi sa kauban niyang mga Senador, for obvious reason. Self preservation ang hinungdanan sa bugnaw nga pagtagad sa ubang mga Senador
Bisan si Lacson mismo miangkon nga ang approval sa maong balaudnon usa ka uphill battle sa karon nga 18th Congress. Tinuod lisud ni.
Kon akoy Senador o Representante o Gobernador o Mayor, di gyud ko mosugot nga mabutyag ang minilyon nakong deposito sa bangko.
In my case hinoon ambut kun miabot ba’g one thousand pesos ang akong deposito sa bangko, mahimo nga wiwion kini ni bisan kinsa nga buot masayod unsa ako ka-adunahan. Apan, mosugot kaha niini ang atong mga opisyales sa gobyerno?
Matud dinhi, atong kutluon: “Section 2 of Republic Act 1405, the Bank Secrecy Act, declares as ‘absolutely confidential’ all bank deposits including investment bonds, which cannot be scrutinized by any government office or person.”
So, klaro ang balaud, walay kapanghilabot sa akong deposito sa bangko.
Adunay mga pagduda nga ang maong balaud gigamit ug gipahimuslan sa pipila opisyal sa gobiyerno pagtago ko pagkanselar sa dirty money nga ilang gideposito sa bangko.
Busa, si Lacson mi-propose nga ang tanang elective o appointive government officials, gikan sa Presidente hangtud sa labing ubos nga opisyal o kawani sa gobyerno, nga ma-exempted gikan sa Bank Secrecy Law. Ikaw Gobernador, o director sa BIR, o district engineer sa DPWH, mosugot mo ini?
Lagmit kon magpa-reelect si Lacson sa tuig 2022, mangampanya gyud mo’g maayo aron mapilde si Lacson, kay alang ninyo, binuang kini nga balaudnon.
Giingon dinhi, nga kining maong balaudnon ni Lacson, “looks dead on arrival at the doorsteps of Congress.” Sa ato pa, pagtangka lang sa pultahan sa Kongreso, patay na ang maong balaudnon, dead on arrival na.
Sa atong nasayran, kini si Lacson sukad sa iyang paglingkod pagkaka-Senador, wala kini siya modawat og pork barrel hangutd karon.Sa ato pa, nagtinarong gyud unta siya, apan, gumikan niini, maora’g makontrahan siya sa kaubang niyang magbabalaud.
In fairness hinuon sa Kongreso, ang corruption ug tax evasion gilakip na sa giisip nga predicate crimes ubos sa Anti-Money Laundering Act of 2001. Arang-arang na lang.
At least buot usab sila nga mapitol ug masanta na ang corruption ug tax evasion sa atong nasud.