Duna kahay nagpaabot nga good news sa mga anak sa singot karong adlawa sa kasaulogan sa adlaw sa pamuo?
Ang pangutana nga nagtangag og subo nga tubag tungod kay walay mahitabong umento sa suholan matod sa Department of Labor and Employment (DOLE).
Wala usab kunoy miduso og petisyon diri sa rehiyon nga nangayo og wage increase, gawas lang didto sa kaulohan nga gipangayo nilang 720 pesos nga dugang umento sa sweldo.
Matud sa mga sektor sa pamuo diri sa Sugbo ang Bukloran ng Mangagawang Pilipino ug uban pang grupo gisuportahan nila ang pag uniform sa suholan sa mga trabahante.
Angayan kunong moabot na sa 1,200 pesos ang inadlaw nga suholan sa mga trabahante tungod sa kataas na sa presyo sa mga palaliton ug kadako na sa gasto sa panginabuhi.
Apan unsa pud kaha ang sangpotanan aning gipangayo nila?
Kaya kaha sa mga employer? O basin mosangpot kini sa pagpanera unya sa mga kompaniya nga moresulta sa daghang walay trabaho sa nasod.
Samtang adunay 18 mil ka trabaho ang nagpaabot sa mga mag job hunting karong adlawa.
Upat ka simultaneous jobs fair ang himoon karon atol sa ika 117 Labor Day celebration.
Gawas sa local job opportunity naa usay mga trabaho nga nagpaabot sa abroad depende kon asa ang gusto sa mga aplikante.
Dili na magpili og trabaho kay ang importante dunay trabaho nga kakuhaan og ikabuhi sa pamilya.
Sa sitwasyon karon angayan nga tan-awon ang kaayohan ug dili ang kaartehan kay mao kini ang magbutang og pagkaon sa atong talad kan-anan.
Maayong pagsaulog sa adlaw sa mga anak sa singot!