Gustong idonar ang property sa iyaan

Dear Atty. Divine,

Ang akong iyaan naa nagpuyo nako ug akoy nag-atiman niya kay single man siya ug way anak.

Naa siyay farm land sa among probinsya ug gusto niyang i-donate nako ang property.

Ang akong pangutana kun unsay mga dokumento ang dapat niyang pirmahan aron mamahimong valid ang iyang pag-donate? Daghang salamat.

Jill

* * *

Dear Jill,

Aron mamahimong valid ang pag-donate sa imong iyaan  sa iyang property nganha kanimo, kinahanglan siyang mo execute og Deed of Donation nga iyang i-specify ang property nga iyang i-donar ug dapat duna kini acceptance kanimo isip donee ug kinahanglan sab kini  nga ipa-notarized.

Kun ang imong pag accept himoon pinaagi sa separate instrument then kinahanglan nimong pahibaw-on ang imong iyaan sa imong pagdawat sa property nga iyang gidonar.

Human niini, mamahimo na nimong i-process ang pag-transfer niini ngadto sa imong pangalan ug una nimong buhaton mao ang pagpa-compute sa BIR sa Donor’s tax ug sa pagbayad niini aron ma-process ang transfer.

Thanks and God bless.

Atty. Divine

* * *

Alang sa inyong pangutana, ipadala lang pinaagi sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.