Osteoporosis

Unsa man  ni? Giingon dinhi: “Osteoporosis is a disease that causes your bones to become thin and weak. It occurs mostly in women after menopause. That’s because the female hormone estrogen helps women maintain bone strength.

As estrogen level decline, bone is lost. As bodies weaken, they can be more easily broken.”

So, usa kini ka matang sa sakit nga sa magkatiguwang ang tawo, monipis ug maluya ang atong kabugokan.

Sagad nga mataptan niini mao ang kababayen-an tapus sa pag-menopause.

Kun dunay lalake nga mag-menopause (duna ba?) dunay kahigayunan nga masakit usab sa osteoporosis.

Kining giingon nga hormone estrogen nga anaa sa kababayen-an, makatabang kini pagpalig-on sa ilang kabukogan, nga kun mawala kini, maluya o usab ang kabukogan, ug dali nang matigpod o mo-brittle. Ug mo-come in dayon ang osteoporosis.

Gumikan sa osteoporosis, dali nang mabuak ang mga bukog, labina sa hip, wrist, ug spine. Ug kun ang bukog sa ibabaw nga bahin sa atong bukobuko ma-fracture. mo-kurba o mobaliko ang atong likod.

Pipila sa katiguwangan nga atong nakit-an nga ang pagbawog o pagbaliko sa ilang likod 45 degrees gyud. Sa ato pa, grabe na kaayo ang osteoporosis.

Mga hinungdan niini: Kun ang imong lawas dili na mo-produce og estrogen; kun kulang sa calcium ang imong pagkaon; kun hinigarilyo ka, palainom ug dunay gi-maintain nga tambal nga taas og dosage; ug wala o kulang sa pag-exercise.

Atong mamatikdan nga sa tanang mga health tips o mga tambag alang sa pagpahimsog sa lawas, pirme gyud iapil ang regular nga pag-exercise, nga gumikan sa atong pagkatapulan, kapuy na alang kanato ang pag-exercise.

Kun buot hunahunaon, dili kinahanglan sundon ang matang sa pag-exercise ni Manny Pacquiao, o sa mga basketball players, o sa mga lumba sa dagan.

Giingon dinhi, just keep yourself active even for thirty minutes a day. Bastante na ni.

Ang pagbaktas o pag-hike sulod sa pila ka minuto matag adlaw; doing household chores, pa-mubo sa tanom; kaligo sa dagat (swimming, pero ayaw sa ron kay init kaayo); ballroom dancing, ug uban pang matang sa gaan ug light exercises to keep us active.

Pipila sa mga pagkaon nga rich sa calcium:  Non-fat o low-fat milk, low-fat yogurt, Swiss ug American cheese, Ice cream (kuyaw sad tang ma-diabetic ini), Cottage cheese, Canned sardines/salmon with bones, Tofu, Canned  shrimp, Beans (ma-arthritis sad ta ini), Wheat bread, Orange, Broccoli, Raw oyster. 

Dunay mga calcium supplements; consult your doctor.