Makahinganghang senyales sobra kas asukar (1)

Walay usa nato nga dili adik kun maoy hisgutan ang pagkonsumog mga tam-is  tungod kay ingon sa magluya ang lawas nga magpangita sa kusog o enerhiya nga nagsilbi kanato nga pampabaskog sa panglawas.

Ang uban dili makatoo niini  kay kun tinuod pa kuno, ngano nabaniog man sa tibuok  kalibutan, nga ang asukar usa sa naglabing hinungdan sa atong pagkasakit niining panahona.

Lahi kaniadto sa karaan panahon, mahurot na lang nimo og pang-os ang katubhan, nagpabilin ang panglawas mong himsog, nga ang kalikopan   birhen pa ug limpyo ang palibot .

Sa atong moderno nga panahon, tanang produkto nga pagkaon pulos na giproseso sa aditibo ug preserbatibo nga kemikal.

Ang palibot karon, bisag asa, polluted na ang hangin sa mga toksik nga giprodyus gikan sa kinalapdan ug kinabag-ang basura sa kadagatan, ang adlaw toksik na sab gumikan sa kadaut sa ozone layer nga kada tuig nagkainit ang adlaw ug dugangan pa sa mga kahimanan sa komunikasyon ug elektrisidad nga moprodyus og radiation ug chemical therapy.

Kabahin sa asukar, bisag tam-is na gipangproseso gihapon nga kontaminado sa kemikals, nga gihimong konsentrate sama sa glucose o high fructose syrup aron diyotay ray gamiton ug naa pay sugar-free nga tam-is.

Kun kini mao nay naandang estilo nato ang pagkahinam-ison,  imbes mapuno ka sa enerhiya, magkaluya   hinuon hangtud inanayon kita ilup-og magkasakit.

Apil na ako niini, unsaon  kulang pa ta niadto  sa pag-ila sa kamapuslanon sa hustong pagkonsumo sa asukar aron unta maangkon ang kahimsog sa panglawas. Busa. Kontrolahon na nato ang pagkahinam-is.