Kini ang iyang gisulti sa dihang dayon niyang talikod sa iyang hinigugma.
Bisan pa man kun pagaisipon nga siya outdated apan gumikan sa iyang pagtahud sa iyang hinigugma dili siya makaako sa pagpahimulos niini sa tumang kasayon bisan pa man kun mao kini ang buot nga mahitabo sa kadaghanan.
Ning panahon karon, ang intimacy sabton dayon nga physical apan ang intimacy kun buot hunahunaon nagpasabot man og panagsuod diin anaa gihapon ang pagtahud.
Kini ang kuwang sa pagsabot sa gugma ning panahona karon.
Ang gugma kahimtang diin anaa ang paghatag og bili sa matag usa ug dili lang ang pag-isip sa usa’g usa ingon nga kagamitan alang sa personal nga katagbawan.