Burukrasya sa basura
Dihang nipadayag og kabalaka si Regional Director Jaime Bernadas sa Department of Health-7 sa implikasyon ngadto sa kahimsog sa publiko sa nagtipun-og ug wa makolekta nga mga basura sa mga tambalanan sa Metro Cebu, nipasalig si Regional Director William Cuñado sa Environmental Management Bureau (EMB 7) nga nasulbad na ang problema.
Dihang niisa og alarma ang Pollution Abatement Systems Specialists Incorporated (PASSI) nga kapin sa gatos ka libo ka kilong basura sa mga tambalanan ang wa nila makolekta sa niaging pito na ka buwan, nipasalig si Cuñado nga nasulbad nang problema.
* * *
Giluwatan ni Cuñado ang mosunod nga mga pasalig pinaagi sa press releases sa EMB-7 ug sa iyang pakighinabi sa Arangkada sa DYAB Abante Pa, Bisaya!:
Naaprobahan na sa ilang ulohang buhatan ang permiso sa PASSI sa paghakot ug pagtipig sa mga basura sa mga tambalanan;
Naaprobahan na sa ilang ulohang buhatan ang permiso sa Aquilini Mactan Renewable Energy Inc. (AMREI) nga makapulbos sa mga basura sa mga tambalanan; ug
Napirmahan na niya ang tanang dokumento labot sa paghipos sa mga basura sa mga tambalanan sa Metro Cebu.
* * *
Sukwahi ang kasayuran nga among nakuha gikan ni Irene Doñoso, ang pollution control officer (PCO) sa PASSI:
Wa pa maaprobahi sa EMB-7 ang mga dokumento nga magtugot sa mga tambalanan sa paghakot sa ilang mga basura ngadto sa treatment, storage and disposal (TSD) facilities; maong
Bisan aprobado nang permiso sa PASSI, di pa silang kahakot sa mga basura kay kasilotan sa EMB di lang ang PASSI kon dili apil nang mga tambalanan.
* * *
Nagpalaban ko sa website sa EMB ug nakugang pagkahibawo nga 13 ka dokumento ang kinahanglang isumiter sa mga tambalanan isip hazardous waste generator:
Official Letter of Request; Duly notarized affidavit attesting to the truth, accuracy and genuineness of the application; Mass balance of manufacturing process; Description of existing waste management plan; Accomplished HW Generator Registration form; Analysis of waste(s); Other relevant information; Copy of Environmental Compliance Certificate/Certificate of Non-Coverage; Copy of Valid Permit to Operate; Copy of Valid Discharge Permit; Pollution Control Officer accreditation certificate; Contingency and Emergency Plan; ug Photographs of the storage area.
* * *
- Latest
