Sa dihang imong gisangpit

Wala tuyoa nga nibati ko og katingala kun nganong ang mga pag-ampo ug pangilaba dugay madungog sa gisangpit. Padayong mipasiatab ang tagawtaw sa kaway igong kapaingnan sa kadaghanan samtang mikiat ang dagang sa kapintas ug kabangis sa atong palibot.

Oo tinuod daw sa halayo ang kalinaw nga gidamgo ug kun mkab-ot man gani ang kalinaw daw idlas kini sa panumdoman sa kinabag-an.

Bisan gani ang Bathala sa kakaraanan ang maglisud paghatag niini sa katawhan nga padayong tay-ogon sa ilang isigkaingon gumikan sa nagkalaing baruganan. Ang panginahanglan sa tawo pagkaon ug gugma. Daghan ang pagkaon apan way sustansiya ug kun may gugma dili pud tinuod. Gihigugma ka tungod kay mapuslan ka pa nila.

Wala koy laing nahimo gawas sa pagtutok sa nagdupa sa krus ug padayong natingala kun nganong hangtud karon daw wa gihapon makita ang kasakit Niya nga gihalad ingon nga sakripisyo alang sa tanan.