Mga pagkaon nga makakanser (2)

* Artipisyal nga panam-is (artificial sweeteners) – bisan tuod kini gi-promote nga maayong hulip (substitute) sa asukar nga taas og kaloriya ug taas sab og glycemic index (GI) nga mopasaka sa lebel sa blood sugar.

Apan ang artipisyal nga panam-is, mas daghang di maayong epekto ang mahatag ini sa lawas, sama sa pagpanambok (obesity), makasamot sa diabetes hangtud mokomplikar kini ngadto sa pancreatic cancer ug uban pa.

Ang aspartame nga usa sa kemikal nga panam-is, nabaniog nga kun mapalabian moresulta sa kombulsyon, magsakit ang tiyan ug madepektuso nga mahalap ang panan-aw sa mata.

* Refined sugar – asukar kini nga gipino ug gipaputi sa kemikals nga hydrochloric acid sama kaisog sa solusyon sa baterya. Kun kini magdaghan sa sud  sa lawas maapektahan og kadaut ang mga organ o mga sistema sa kalawasan. Mopataas kini sa lebel sa insulin ug daku sab ni og risgo sa promosyon sa kanser.

Mas maayo sab likayan ang high-fructose corn syrup, kay usa ni sa kumon nga sagol nga panam-is sa mga produkto. Ang selyulang kanser maoy gikinahanglan ang asukar aron sila mabuhing modominar nga aktibo sa lawas.

* GMO’s – Usa ni ka proseso nga nahilabtan ang organismo nga produkto sa kinaiyahan. Gimaniobra kini pinaagi sa mga kemikals, nga gipalabwan nga mas molahutay og dugay ug mas modaghan ang produksyon  kaysa giprodyus sa  natural nga organismo sa kinaiyahan. Usa sab nis naglabing hinungdan sa kanser.

Ug nakita kini sa medical survey didto sa Amerika, nga daghan ang nataptan sa laygay nga sakit nisaka gikan sa 7-13% sukad ni gi-introdyus 1996. Nakapaalarma

kay mga ilaga gilawgag GMO’s, nadiskubrehan pulos nataptan og mga tumors.