Mga pagkaon nga makakanser (1)

Nianing panahona, ang nasud nga nanguhong sa daghang industriya, senyales kini sa himsog nga ekonomiya.

Apil na niini ang mga buhatan sa giprosesong mga pagkaon ug ilimnon, nga nakaandam sa kasayon ug sa dinaliang pagserbi niini. ?

Apil na kita sa nisagop niini nga matang sa produkto sa pagkaon, pinaagi sa nitumaw nga nagkalainlaing negosyo ini, nga nakatabang sad nga niumento ang panudlanan sa kagamhanan.

Duna na kitay pipila nga kaugalingon prodaksyons niini ni ug distribusyon sa mga inangkat sa laing kanasuran ning produktoha. ?

Apan luyo sa positibong kaugmaran niini sa atong panahon, adunay nataligam-an nga negatibong epekto sa panglawas.

Kini segun sa pagdukiduki sa mga ekspertong nutrisyonista, nga nagtutok sa pagtuon sa atong maayong panglawas.?

Mahimong nasayud o nakaila na ta ini, kay halos ato na man kini gikonsumo, tingali wa lang tay kasayuran sa dautang epekto niining produktoha.

Sa pagtuon, halos tanang giprosesong mga pagkaon, adunay sambog nga aditibong kemikals nga palami ug preserbatibong kemikals, aron molanat og dugay sa bodega ug sa distribusyon sa dili pa kini maabot sa mga konsumidor.?

Tungod ini, dakung bentaha nga atong ilhon kining klase sa giprosesong pagkaon nga anaa na ron sa atong palibot, aron makahimo tag lakang nga dili maantimano sa mga balatian , nga usa ni sa hinungdan nga nisiaw sa lawas ang mga sakit nga kanser.?

* Softdrinks – Tugob ni sa kaloriya, artipisyal nga ingrediyentes, ug asukar, mga sodas (sodium) nga way ikaayo sa lawas gawas sa pagtagbaw sa kauhaw.

Ang usa ka latang soda, nagbaton nag 10 ka paketeng asukar, nga naghatag nig risgo sa ngipon, mangahilis ang proteksyon ining enamel  aron unta di kadutlan sa cavities.