Ang tanan dunay kalambigitan

Enero 6, 2018: Domingo sa Epipaniya sa Ginoo

MGA PAGBASA:   Is. 60;1-6/Sal. 72/Ef. 3;2-3,5-6/Mt. 2;1-12

Ang Pantheism nagtudlo nga ang tanan Dios apan ang tinuod sa tanan, anaa ang Diyos. Gani sulod mismo nato anaa ang Diyos ug nahimong iyang gigiyahan ang atong kinabuhi alang niya kay kita bisan kun mga binuhat niya kabahin man niya. Mao nga siya Diyos alang sa tanan ug dili lang alang sa pipila. Kini ang hinungdan kun nganong nagpakita sa tulo ka mga maalamon ug nahimong gipasinati ngadto kanila ang iyang himaya. Sa atong pagsaulog ning maong karaang pangilin, angay kitang maglipay nga bisan sa atong pagkakita gihatagan kita og kahigayonan nga mosinati ning maong kalipay ug kaluwasan. Busa angay lamang nga ato kining ipaambit dili sa paagi nga dramatiko kondili sa paagi nga puno sa kinabuhi diha sa pagkamanggihatagon ug pagkaabli alang sa ubang mga kultura, pinulongan.