Disyembre 31 sa may alas onse namatay ang edaran nga konsehal. Abraham ang iyang ngalan. Sakit man tuod palandungon kay sa bag-ong tuig man gyud ang nahitaboan.
Apan sa laing bahin, atong nakita nga ang kamatayon sa bag-ong tuig simbolo sa bag-ong kinabuhi. Ang kamatayon dili katapusan, hinunoa pagkahimugso sa kinabuhing dayon.
Ang kamatayon maoy nahimong ganghaan sa eternidad. Sa atong pagsugat sa bag-ong tuig, gidapit kita aron mamahimong andam ug tagana nga atong ilubong ang atong daang pagkatawo sa kawalay paglaum aron atong sul-obon ang bag-ong bisti sa paglaum.
Kay diha sa paggahin og igong paglaum mamahimong mas nindot ang panaw sa kinabuhi.