Dear Atty. Divine,
Ang akong igsuon dunay duha ka anak sa iyang kanhi live-in partner ug ang usa niini wa pa marehistro. Apan last year, nagbuwag ang akong igsuon ug ang iyang live-in partner. Duna na say laing kapuyo ang iyang kanhi live-in partner.
Gusto unta sa akong igsuon nga ang bata makuhaan na og birth certificate gamit ang iyang apelyido kay nagsuporta man siya sa mga bata, ang iyang pangutana kun unsaon pagrehistro sa bata nga masunod ang iyang apelyido bisan kun buwag na sila sa inahan? Daghang salamat.
Jenny
* * *
Dear Jenny,
Ang imong igsuon isip biological father sa bata duna gyuy katungod nga mopagamit sa iyang apelyido ngadto sa iyang anak. Apan kinahanglan kini og consent sa inahan.
Kinahanglan nga mo execute og Affidavit of Acknowledgment with consent to use his surname ang imong igsuon ug ilakip kini ini’g kuha sa birth certificate sa bata, kinahanglan sab nga makigsabot ang imong igsuon sa inahan sa bata alang sa maong proseso.
Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo