May usa ka parokya nga akong naduaw diin adunay mga batang babaye nga mga sakristana. Sila nakaila nako ug ako nakaila nila. Gani, dunay duha kanila nga akong gihatud sa ilang pinuy-anan sanglit wa naman silay kasakyan ug kay gabii naman mao nga gihatud na lang.
Sa among kukabildo, ang usa niangkon nga wala siya kaila sa iyang amahan. Ako siyang gikomedyahan nga kun mosugot siya ako na lang ang iyang papa. Nitando siya dungan ang pahiyom nga kinasingkasing gayud.
Ug daw gihiwa ang akong kasingkasing sa maong panginahanglan sa amahan sa maong bata nga nahimong biktima sa amahan nga walay igong pagtagad sa iyang anak.
Ning maong kasinatian, ako nakapanghinuklog nga bahala na tingali kun tiyan ko modako kaysa makapadako ko og tiyan sa uban apan sa kaulahian ako raman diay mapasagdan.
Dili ba pagatawgon ko niini nga usa ka tampalasan?