Ang cinnamon makapa-neutral sa lebel sa blood sugar, gumikan kay moayuda kini nga dugmokon ang mga asukar aron kapuslan sa lawas nga mahimong enerhiya. Sa ingon usab nga proseso, kamenusan ang tambok nga magpundo sa lawas, labi na sa tiyan nga nagbusyad sa bilbil.
* Coco oil ( extra virgin) – Lain nga gasa gikan sa kinaiyahan, nga naghatag sab og taas nga listahan sa mga benepisyo sa kahimsog. Nagbaton kini’g daghang ‘medium chain fatty acids’, aron moepekto dayon ni sa sistima sa pagtunaw sa tambok nga makaabot sa atay. Kay kun malangan ning matunaw unya mapundo’g dugay sa lawas, mausab ang estraktura ini nga mahimong ‘keton’ ang tambok.
Ang naglabing bentaha sa ‘coco oil’, kay pahiyuson man ang tiyan, mopaus-os sab kini sa timbang. Kini ang naghimo sa natural nga metabolismo, ug sa pagsunog sa tambok nga mas epektibo. Ikompara sa olive oil, maayo man apan mas taas og lahutay ang coco oil nga makasustiner sa taas nga temperatura sa kainit nga dugay mohupas o mawala ang mga nutrens ini.
* Honey (dugos) —Mahimo nga ang dugos o ‘honey’, dasok sa natural nga asukar, apan usa kini sa gikinahanglan sa lawas, nga angay konsumohon aron kita makabaton og enerhiya. Ampay kini sa mga selyula nga dawaton isip ilang enerhiya nga nahimong insulin dayon nga di magpundo sa dugo o ‘blood sugar’.
Ang honey dasok sa mga importanteng minerales, sama sa sodium, iron, zinc, calcium, potassium, ug phosphorous. Nagbaha sab ang niacin, vitamin C, folate, rifloflavin ug B6. Makonsiderar na ning usa ka natural nga ‘multi-vitamin.’
Nasulayan sab ning mokontrol sa kolesterol ug pahupay sa stress. Ang karong proseso sa pagtunaw sa tambok, ang honey dako og natampo niini.