Dear Atty. Divine,
Duna koy live-in partner ug walo ka buwan nang buntis. Ang akong kauban sa trabaho naka-avail og paternity leave sud sa pito ka adlaw with pay sa dihang nanganak iyang asawa, ang akong pangutana kon pwede ba ko maka-avail sab og Paternity leave? Daghang salamat.—Mario
Dear Mario,
Basi sa Paternity Leave Act of 1996 kini bagkanayon nga ang mga minyo nga lalaki mamahimo nga maka-avail og Paternity leave sud sa pito ka adlaw with pay kon ang ilang legal spouse manganak or mag-miscarriage. Apan iya kining mapahimuslan kutob lang sa ika-upat nga anak provided nga legal niyang asawa ang nanganak ug nagtipon pa sila atol sa pagpanganak niini, ug kinahanglan sab nga adunay prior notice ngadto sa employer. Giklaro gyud sa maong balaod nga legal spouse ang nanganak ug buot ipasabot niini nga kon live-in partner ang nanganak sama sa imong kaso dili ka maka-avail sa maong Paternity leave kay alang lang kini sa legally married. Thanks and God bless. — Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug ako kining tubagon pinaagi sa akong column matag Miyerkules, Sabado ug Domingo.