Kalainan sa sucrose, fructose, glucose (2)

Kini silang mga tipo sa asukar, sagad niini mga carbohydrates, nga anaa sa mga prutas,utanon, bungahoy, bugas (grains). Ug naa sab kini nga gihimomg sagol sa mga prosesong produkto sa pagkaon sama sa ice cream, cereal, karmelitos (candy), mga linata ug mga ilimnon sama sa soda, ug ubanpa.

Ang table sugar (sucrose) sagad kinuha (extracted) gikan sa tanom nga tubo (sugarcane). Ang ‘sucrose’ mas menus ang katam-is itandi sa ‘fructose’, apan mas tam-is sab kini sa ‘glucose.’

Ang ‘glucose’, usa ka simple nga asukar (simple sugar) o ‘monosaccharides’. Mao kini ang ampay o pinalabi sa lawas nga tinubdan sa enerhiya, nga nakabase sa ‘carbohydrates’. Kining ‘asukar nga ‘monosaccharides’, usa ni ka nag-inusara nga yunit (single unit) sa ‘sugar molecules’, nga dili kini madugmok bisan sa yano nga ‘compound’.       

Sa mga pagkaon, ang ‘glucose’ maoy kumon nga mahimong simple nga asukar. Kon asa kini maporma kon sa ‘polysaccharides’ nga harina o kaha sa disaccharides, sama sa sucrose ug lactose. Nga sagad ni isagol sa mga prosesong pagkaon, sa porma nga ‘dextrose’ nga gi-ekstrak gikan sa tayubong sa mais (cornstarch).

Ang glucose, menus sa tam-is kaysa fructose ug sucrose. Ang fructose nga asukar sa prutas, usa ka monosaccharides, sama sa glucose.

Mga tinubdan ini anaa sa prutas, honey, agave, ug anaa sab kini sa mga gamot sa utanon. Sagad sab ni gihimong sagol sa porma nga ‘high fructose syrup’ sa prosesong pagkaon.

Ang tinubdan sab sa mga fructose, gikan sa tubo, sugar beets ug mais. Nga ang ‘high fructose syrup’ giprodyus kini gikan sa tayubong sa mais (cornstarch), nga mas daghag ‘fructose’ kaysa glucose. Kini maoy kinatam-isan sa tanang  tipo sa asukar.