Padre Pio

Nia karon sa atong artsidyosesis ang relic sa bantugang santos nga si Sto. Pio sa Pitrelcina. Daghan ang mga tawo nga midugok kaniya nag-ampo nga unta mas mohari pa ang kalinaw ug gugma dinhi sa atong dapit. Nawala naman kuno ang kalumo ug ang nahabilin mao man ang kapintas ug kabangis ingon man ang kawalay pagtagad sa mga kaigsuonan nga gisakit.

Bangis ang kalibutan kon atong tugotan nga kini magpabilin sa ingon apan kon maantigo lang kitang motan-aw sa maayo ug dili sa dautan nan, mas mahimong makahuloganon ang atong pagpakigsandurot sa tanan. Lisud man tuod ang pagpasaylo apan kon tinabangan sa grasya sa Dios ug sa gugmang makidaiton mahimong mas makahuloganon ang tanan alang kanato. Viva Sto. Pio!