Wala ka mauwaw?

Kini ang pangutana sa usa sa mga batan-on sa dihang nihimo kami og Mission Appeal sa Parokya ni San Jose Patriyarka sa Mabolo, Cebu City. Misa kadto ni Msgr. Achilles Dakay.

Kini si Monsenyor niingon nako sa wala pa magsugod ang Misa nga di lang ko moestorya hinunoa siya na lang ang moestorya alang nako tabang lang ko og pangolekta.  Mapahiyumon ang mga tawo nga akong giduol ug nihatag gyud sila sa salapi nga di motingog. Nga sa ato pa tibuok. Dako mi og nakuha ato ug gani sa maong grasya, nakatabang dako uyamot sa pagpaatop sa among simbahan sa Mohon. Dili angay ikauwaw ang pagpangayo ilabina kon kini alang sa mga tawo ug labaw na nga dili angay nga mahadlok diha sa paghago labina kun kini alang sa Ginoo.