Sa kadaghang problema

Ang mga wa kinahanglana maoy giuna og hunahuna. Kini tingali ang atong mahulagway kon nganong ilisdan ang hinapos nga mga liriko sa atong nasudnong awit. Daghan ang mga suliran nga atong giatubang karon mao nga mas maayo nga maantigo kitang mopili sa atong prayoridad. Sa atong panaw sa kinabuhi ingon nga buot natong likayan ang mga butang nga naghatag kanato og kasakitan pinaagi sa pagtipas sa bisan unsang kamatuoran. Ning paagiha daw sa maibanan ang atong gihambing kasakitan. Dili paigo ang pagbinasulay lamang kinahanglang mohimo kita og pag-atubang sa kamatuoran nga kita mismo ingon nga kabahin ning maong nasud ug katilingban ang adunay kakuwangan. Kinahanglang magsugod kini sa atong kaugalingon ug human nato kini masulbad mamahimo na kitang andam sa pagsagubang sa tanan.