Ang kakulang sa vitamin B12 (2)

* Kalibog ug malimtanon – Dili pa ni grabe apan kadugayan kon kulang kita kanunay sa B12, mosangpot nga ma-develop ang alzheimer’s nga nangadaut na ang pinong kaugatan (nerves) sa memorya, maong malimtanon na.

Mas mograbe pa kini nga magkurog o maango-ango, tungod sa ‘parkinsons o celiac diseases.’

* Ngulngol pamation ang kabukogan – Ang ingon sa dili masabot nga panakit sa kabukogan nga usahay maminhod, kay nagkahuyang nga naapektahan sa kakulang na sa calcium ug sa B12.   Dakung risgo kining makanser sa bukog.

Unya, unsa man gyuy buhaton nato, para makabaton permi og normal nga lebel sa vitamin-B12?

Daghang mga pagkaon nga tinubdan sa B12, nga dili lang sab magpalabi kay basta manubra makadaut gayud. Ginagmay lang nga puli-pulihon  nga ikombinar sa imong inadlaw nga pagdiyeta, sama sa isda, itlog, pulang karne, manok, ganza (goose), gatas, ohong, yogurt, mga prutas ug mas labing maayo nga himuong kinaiya nga naglabi ang pagkonsumo og mga utanon.

Mahimo sab abagan sa mga herbal food supplements, nga nagbaton og mga ingrediyentes sama sa spirulina ug chlorella, nga dasok sa vitamin-B12. Ang mga babaye, nga sagad kulang sa B12 kay ‘soluble’ nutrens ni nga ipangihi lang, ug sa panahon sa regla, aron di magsakit, kinahanglan imintin ang lebel sa iron ug B12.

Ilabi na’s mabdos ug sa nagpasuso, molig-on ang mga genes/DNA sa masuso.

Kon normal ang lebel sa B12, dili lang mosaka ang produksyon sa ‘red blood cells’, hasta mga bihod (sperm cells) modaghan sab, mao nga mosaka ang atong sex libido nga ganado pirme sa hamagay.

Busa mas maayo, gawas sa ubang isyu sa panglawas, panagsa mobisita sa doktor, magpa-‘blood test’  aron katabangan kang mamintin sa kanunay ang  normal nga lebel sa vitamin-B12.