Ang kakulang sa vitamin B12 (1)

Sukad na-organisar niadtong tuig 1944 ang mga ‘vegetarians’ didto sa Amerika nga gihimong usa ka ‘charitable institution’, diin ang tumong mao ang pag-edukar nga makabig sa mga benepisyo sa pagkaon og mga utanon ug mga prutas. Hinuon, mahimo sila nga makakaon og isda, kinhason, itlog ug gatas.

Ang prinsipal nga katuyoan sa ‘vegetarian’, mao ang pagsiguro sa kahimsog sa panglawas nga dili maantimano sa mga sakit, sama sa kanser ug uban pa.

Apan adunay mga miyembro ini nga mibulag, ug nagtukod og laing grupo nga ginganlan og ‘vegan’, sa mas estrikto mga utanon ug prutas ra ang konsumohon, kay giisip nilang sagrado ang mananap, nga gipahimuslan sa tawo aron himuong pagkaon.

Sa pagkakaron, daghan na ang naengganyo sa pagsagop sa vegetarian o vegan diet, nga gumikan ini diin sa Amerika, nadiskubrehan nga 40% sa  mga tawo didto kulang sa nutrens nga vitamin-B12.

Tungod kay eksklusibo lang nato makuha ang dasok nga nutrens sa B12 gikan sa karne (red meat), gawas sa lato o guso (seaweeds), sama sa spirulina ug chlorella, nga prodyus gikan sa dagat.

Unsa man diay ang mahimong epekto sa lawas kon kulang kita sa B12?

Ang mga mosunod nga sintomas maoy indikasyon nga ubos ang atong lebel sa B12;

* Kakapoy o maluyahon – Apan kumon kini nga sintomas sa daghang gipamati nga sakit sa lawas.

Apan ang naglabing hinungdan gayud niini, nga menus o kulang kita sa sustansya nga B12, diin kini usa sa bililhon nga sugnod nga makapapiskay nga mobaskog ang atong lawas ug panghunahuna.

* Mohinay ang produksyon sa selyula nga pulang dugo – Kon kulang sa iron ug B12, sagad kulang sab kita sa inerhiya, nga mosangpot sa anemia nga ang atong panit mangluspad o magdalag (yellow) tan-awon.