Natandog ko sa ilang gipakita

Ang mga kabataan ingon man mga magtutudlo sa Mohon National High School ang nihimo sa ilang kinaugalingon apan kinasingkasing version sa SALAMAT PADRE. Naghatag sila og mga improvised cards ug uban pang mga suwat pasalamat sa ako kunong nabuhat.

Apan salamat sa ilang affirmation nga bisan sa kalisdanan nga naagian dunay mga tawo nga wala lang manghinan-aw sa ilang nakita. Naa sila nihatag sa ilang appreciation ug affirmation. Ang kinabuhi nga gihatag sa Dios bisan pa man kon dili hingpit ang angayan pasalamatan. Kay pinaagi niini mahimong mas mahatagan og igong bili ang tanan kon sud-ongon nimo ang matag gutlo ginamit ang mata ug pagbati sa pagpasalamat. Matud pa sa batan-on nga nadakin-as kay lagi nahigugma ug nakabaton sa bunga sa maong kadakin-as ang nagkanayon: “Dili kini demalas hinunoa panalangin kini nga angayang dawaton ug pasalamatan!”