Ngano sa China menus ang breast cancer (2)

Nasayod si Prof. Jane Plant, nga daghang mga siyentipiko ang wala pa masayod sa iyang nadiskubrehan, nga makahatag og paglaum sa mga kababayenhan.

Nga may dakung purohan nga dili mataptan sa kanser sa suso, sama sa gibuhat sa mga Tsino.

Sa pagtandi-tandi, ang ubang Tsino ug Hapones nga na-impluwensiya sa ‘western diet’ mas nidako sab ang risgo nga sila magka-kanser.

Sigun pa, ang mga Tsino, kadaghanan maglisud sa pagsagop  sa ‘western dietary lifestyle’ gumikan sa kamahal ini. Mao nga kadtong mga gikanser sa suso, gitawag kini og ‘rich woman diseases.’

Nadiskubrehan sa magtiayong Prof. Jane ug Peter Plant, ang mga Chinese dili mokaon og produkto sa bakahan (dairy products), sama sa gatas o karne nga gikan sa bakahan.

Ang ilang mga masuso didto , dili nila paimnon og gatas sa baka, kay nadisiplina sila nga gatas sa inahan ang mao la’y ipasuso.

Sumala sa ilang kongklusyon ug sa natigum nilang mga ‘datos’ ug mga ‘scientific evidence’, ang ‘non-fat diet’ mao’y makapamenus sa risgo sa kanser sa suso.
Ang gatas sa baka, usa ka ‘alergens’ nga 70% nakaproblema sa ‘digestions’ ug maoy gitumbok nga  hinungdan sa mga gikanser sa tibuok kalibutan.

Gumikan ini, si Prof. Jane nga nagbaton og ‘breast kanser’, gipraktis niya ang dili na mokaon sa mga produkto sa bakahan. Niya pa, kining sakita dili kaliwat o ‘hereditary’.  Sukad iya kining gihimo, niarang-arang na ang iyang kondisyon, inanay ang mga bugon (lumps) nihumok ug ang tumor nawala ug normal na ang suso niya, tungod sa pagkonsumo og ‘non-fat diet.’

Ang nag-atimang doktor ni Prof. Jane, haskang lipaya nga naglisud sa pagtuo sa hingpit nga pagkaayo sa iyang sakit, pagkasayud sa gihimong pagdiyeta.