Be mindful

Kini ang gihatag nga pahimangno ni master Yoda sa iyang padawan nga si Luke.

Daghan sa mga tawo ang nahimong walay pakialam sa mga panghitabo nga tungod niini wala’y pokus ang matag paningkamot.

Sa matag desisyon nga atong himoon mahinungdanon ang paggahin og panahon. Dunay niingon nako kon mahimo ba nga human sa relasyon mangita og laing karelasyon?

Ako siyang giingnan nga mas maayo nga gahinan nila og igong panahon ang iyang kaugalingong kahimtang sa dili pa siya mosulod og laing kalambigitan aron dili siya magmahay.

Kini ang kinabuhi sa pamalandong, nga dili motuo dayon ug mas maayo nga mamalandong una sa dili pa mobuhat og bisan unsang mga butang.