Saulogon gihapon

Kasagaran kon dunay mamatay ug ako ang pahatagon sa pamalandong ang akong i-ingon mao: “Magpasalamat kita sa gasa sa kinabuhi nga gihatag kanato sa Dios pinaagi sa kinabuhi sa atong Igsuon nga si..... “ dayon saysay sa hinungdan kon nganong angay kitang magpasalamat. Ang pagpasalamat nagpasabot og kasaulogan ug matag kasaulogan nagkahulogan man og kaakuhan. Tinuod mamatay kita ug may kinutoban ang kinabuhi nato apan wala kini magpasabot nga atong paaboton ang kamatayon nga wala kitay himoon. Ang nindot nga himoon mao ang pagpuyo sa kinabuhing manggihatagon dungan sa paghatag ang pagpasalamat sa mga tawo ug ilabi na sa Dios nga nahimong kabahin sa atong panaw. Ang panaw sa kinabuhi masukod dili sa imong lahutay lamang kun dili sa unsang paagi nimo gihatagan og kinabuhi ug kalipay usab ang uban. Alang kang Padre Alex Trocino pahulay sa Dayon!