Kini ang kasagarang mahitabo, labi na kon talento mo lang ang imong saligan. Bisan pa og daghan ka’g talento, mahimong dili gihapon kini mahatagan og igong pagtagad kon ang imong labaw walay igong kaikag sa pagtan-aw niini.
Bisan pa kon unsaon nimo og paningkamot, kon dili ikaw ang ‘apple of the eye’ mahimong daw sa wa’y pulos ang tanan alang nimo. Dili gihapon ikaw paminawon ug labaw na nga dili ka mahinungdanon alang sa mga mata nila nga imong giidolo.
Wa kay labot sa kwenta ug labaw na nga wala kinahanglana ang imong presensiya. Apan bisan pa niini, isipa na lang kini nga self expression sa imong pagkatawo ug wa na kinahanglana ang approval sa imong mga giidolo.
Kon artist sila, artist ka man sab. Ang nahitabo lang mao nga lain ang ilang sukaranan kaysa imong baruganan.