Eskapo sa kahimtang

Kini ang kasagarang himoon sa mga tawo, ilabi na kon maglisud sila pagdawat sa kasakitan sa kinabuhi.

Ang buhaton nila mao man ang pagpangita sa ilang giisip nga mga kaluwasan, bisan pa man kon mahimong daw sama sila sa mga tawong haguka ug segurista sa ilang kaugalingon lang, bahala na kon dunay daotang mahitabo sa ilang mga mahal sa kinabuhi.

Sa laktud, daghan ang nahimong hakog ug laog sa gipangandoy nga kalipay, mao nga padayon nilang bitbiton ang maong kaguol sulod mismo sa ilang kaugalingon kay sila nakaamgo nga sila sayop, apan ila gihapong gipadayon.

Ang kinabuhi usahay hiwi, ug kay hiwi man kini, kita na lang ang motanos sa badlis nga hiwi. Ang pag-eskapo sa kahimtang maoy pagpakita sa imong kataslakan ning kalibutan nga samaran.