* Dili monunot ang panaghugpong o pakigbisog nga walay maayong kawsa o adbokasiya. Apan hatagan og higayon nga makapadayag ang uban nga komportable sa ilang katungod.
* Magbaton og daghang komon nga pamatyag (common senses), nga ihanyag ang presensya sa hunahuna nga motabang sa dinagko o ginagmay nga problema.
* Matinagdanon ug ampingan ang pagkatawo nga kanunay positibo ang panan-aw, dili lang sa kaugalingon kon dili alang usab sa kaayohan sa uban.
* Kon moabot ang trahedya, ang himsog nga pagkatawo dili basta matarog ang emosyon nga ilup-og sa depresyon.
* Moatiman dayon sa nanginahanglan, nga dili motan-aw sa bulok, unsa o si kinsa man siya nga nagpakitabang.
* Dili na kinahanglan nga mobati sa paghimo, nga ipamugos ang imong panan-aw o opinyon nga dawaton o dili sa uban.
* Kanunay tinguhaon nga imintin sa kaugalingon ang katibuk-ang pisikal nga kahimsog sa panglawas, nga maoy hingpit nga representasyon sa atong himsog nga pagkatawo.
Karon, sud-ongon ang kaugalingon, kon duna ba kita’y kakulangan sa hiyas sa pagpahimsog sa atong pagkatawo, mentras adunay paglaum, dili pa ulahi ang tanan. Dako pa ang posibilidad nga makahimo kita niini, nga ipadaplin ang dili maayong kinaiya nga maoy nakababag sa kaugmaran nga mabuhing malipayon.
Ayaw panig-ingni ang uban, kay wala kita mahibalo sa ilang tumong, basta ang mahinungdanon maghimo ka’g kaugalingon nga abilidad o diskarte, nga masiguro ang himsog mong pagkatawo, mamahimo nga maayong ehemplo sa kadaghanan.