Dili ko ganahan og sakit

Kini ang giingon sa akong bisita sa dihang nagkukabildo kami. Mao nga as much as possible dili siya buot nga masakitan. Kini ang hinungdan kun nganong daghan kaayo sa mga tawo ang buot molikay sa proseso sa pag-antos. Buot lamang nila ang dali ug sayon nga pamaagi. Buot lamang nila ang dali nga panaw sa kalampusan. Ug kun masakitan man gani, mangita man dayon og hinanaling merkado sa kalipay. Sa laktod nga pagkasulti nahimong daw sa dinalian ang pagpangita sa gitawag nilang katagbawan. Kini ba kaha tungod kay kaugalingon lamang ang nakita ug dili na ang uban? O giseguro lang tawon ang kaugalingon kay lagi mahadlok ug dili na mosalig sa uban. Apan mosugot man kita o sa dili anaa gyud ang sakit apan human sa matag panganak nga sakit sination sa inahan anaa mahimugso man ang bag-ong kinabuhi.