Dali ra gyud namingaw ang piniliay. Apan human sa piniliay niresulta ang binungolay, padayong dinautay ug nilaglagay. Kini kay daghan ang wa makadawat sa kapildihan ug tingali daghan ang nagmadaugon sa paagi nga malimbongon.
Apan human sa maong bugnong lugaynon mahinungdanon kaayo ang pagpadayon sa pagpangalagad sa katawhan ug lungsoranon. Dili lang unta kutob sa victory party ang tanan aron sa ingon dili mamahimong hagba ang kalambuan. Diha sa pagsugod sa inyong pangalagad hinumdomi nga kamo gipili sa mga tawo aron kanila mangalagad mao nga dili maayo usikan ang mga boto. Kay dunay mga tawo nga manaad nga sayon silang duolon kun padag-on apan human sa kadaugan ambot kun asa sila makit-an.