Gustong bahinon ang properties sa magtiayon

Dear Atty. Divine,

Duna ko’y pangutana labot sa kondisyon sa akong kaminyuon. Mga 10 years na kami nga buwag sa akong bana, apan wa ma-annul ang among marriage.

May duha kami ka anak ug duna sab mi house and lot ug farm lands nga among napalit during sa among marriage. Gusto unta namo nga bahinon ang among property aron mag-iyahay na unya mi.

Mahimo ba ni namo nga bahinon pinaagi sa pagpirmahanay og kasabutan? Unsa’y among buhaton aron duna na mi complete separation of properties aron ang iyang property iya ra og ang akong property ako ra sab? Daghang salamat.— Nica

Dear Nica,

Kon wa mo’y marriage settlements nga gipirmahan before sa inyong kaminyuon nga naglatid alang sa separation of property, then dili gyud mo makabuot-buot og separate sa inyong properties karon bisan kon separated in-fact na kamo for 10 years.

Whatever properties nga inyong ma-acquire during marriage, mahimo kini nga conjugal property, o gipanag-iya ninyong duha. Base  usab sa Article 134 sa atong Family Code kini nagkanayon nga kon wa gani express declaration ang magtiayon sa ilang marriage settlements, ang separation of properties dili mahimong ipatuman gawas lang kon dunay judicial order.

Sa ato pa, kon gusto ninyong i-separate ang inyong properties, kinahanglang moagi kamo sa korte pinaagi sa pag-file og Petition for Separation of Properties. Thanks and God bless.— Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.