Brgy Basak, Cebu City
“Naay mga sakyanan nga magparking diha tupad sa Trinity School, samok kaayo sa mga tawo nga mangagi kay ila man nga babagan ang pedestrian lane. Kana ra ba nga mga magparking diha labi na sa Sabado, moparking ra diha para manari.”
Brgy Corte, Carmen, Cebu
“Ang karsada namo diri kay daghan na kaayong mga libaong gikan g’yud sa Mt. Uragay ug Durano Eco Farm apil na sa may Our Lady of Manaoag. Wala man g’yud kini mahatagi og aksiyon sa mga opisyal namo sa barangay ug lungsod.”
Brgy Kansi, Tuburan, Cebu
“ Maayo unta og nadayon ang election sa barangay kay naa kami konsehal diri nga wa’y ayo kay wala man kini siya makadaog pag-eleksiyon kay gitudlo ra man kini sa katungdanan. Lahi g’yud kun pinili sa mga tawo ang ibutang diha sa konseho sa barangay.”
Brgy Poblacion, Danao City
“Ngano na man kini nga wala na man moagas ang tubig diri, mga pila na ka adlaw ang nakalabay. Luoy kaayo ang mga tawo diri. Gani ang among refilling station amo lang una gisirad-an kay walay tubig.”
Brgy Mancilang, Madridejos, Cebu
“Kining among mayor sige lang og panghambog nga gwapo siya pero wala gani nahimo para pagpagwapo sa lungsod, labi na diha dapit sa high school kay ngitngit na g’yud kaayo ini’g ka gabii. Mao na nga dunay pagpanglugos nga nahitabo diri dili pa lang dugay.”
Brgy Lutac, City Of Naga
“Kining karsada namo diri sa Sitio Candulawan nakalimtan na man lang sa mga opisyal kay hangtud karon wa man gihapon atimana. Hangtud karon wala pa man g’yud masemento ang karsada. Asa na man diay ang budget niining proyektoha.”
Brgy Taytay, Danao City
“Hangtud karon wala pa man gihapon ayuha ang gi-riprap diri nga dalan delikado kaayo sa mga magmotor, labi na nga panahon na karon sa ting-uwan. Kanus-a man intawon maatiman kining among problema nga dugay na kaayong giantos sa mga tawo diri.”
Brgy Malarid, Alcoy, Cebu
“Naunsa man intawon kining among karsada nga pwerte na man g’yud ka guba, wala man g’yud kini maatiman sa mga opisyal sa barangay. Luoy kaayo ang mga driver sa habal-habal kay kanunay na lang g’yud madisgrasya.”
Brgy Mactan, Lapu-Lapu City
“Ang firetruck nga nagbase sa among barangay dugay kaayo nga nakatubag sa alarma sa sunog diri sa among lugar. Daghan na nga mga balay ang naugdaw dihang niabot ang mga bombero. Gamay ra sab og karga nga tubig ang firetruck.”
Alang sa inyong mga reklamo text lang sa 09083006702
- Latest
