Brgy Bahay, Sibonga, Cebu
“Hangtud karon wala pa man gihapon mapaayo kining karsada nga among gireklamo nga lisud kaagian sa mga sakyanan kay lapok kaayo.”
Brgy Bulacao, Talisay City
“Kining among mga opisyal diri wala man g’yud moaksiyon bahin sa problema sa ilegal nga drugas. Kining likud sa may PLDT, naay mga balay diha nga gihimong suyopanan.”
Brgy Hagnaya, San Remigio, Cebu
“Daghan kaayong mga problema diri sa among barangay pero wala may kasulbaran. Asa na man ang among mga opisyal sa barangay, wala man magpakabana.”
Brgy Basak, Lapu-Lapu City
“Daghan man kaayong tricycle driver diri nga wa’y mga desiplina, pataka lang og parking. Kini sila maoy makatrapik diri sa may Tamiya kay abusado kaayo sige’g paugat.”
Brgy Cayang, Bogo City
“Ang among lugar daghang badlungon pero wala nakapitol ang mga polis o opisyal sa among barangay. May mga barangay na nga giilang drug free diri sa among siyudad, pero kining among barangay daghan gihapong adik.”
Brgy Basak, Mandaue City
“Daghan kaayong mga tawo mireklamo bahin sa wala makolekta nga mga basura diri sa among barangay. Wa sila kahibawo nga sila ang hinungdan nganong wa makuha ang mga basura kay wala’y segregation.”
Brgy Sambag 1, Cebu City
“Manghinaot kami nga ang mga pusher diri sa Urgelio atimanon na unta sa mga polis.
Hambog man kaayo kini sila nga dili kuno sila mahilabtan kay naa sila’y mga kapit.”
Brgy Gunting, Barili, Cebu
“Hangtod karon wala pa g’yud maatiman ang gubaon namong karsada diri, pwerte na ang pag- antos sa mga motorista. Lisud na maagian ang karsada kay lapok kaayo, labi na kon mag-uwan.”
Brgy Pasol, Alcoy, Cebu
“Mura man og wa’y mga opisyal sa barangay kining among lugar kay wala man g’yuy nakaatiman sa problema sa gubaon namong karsada. Dugay na kaayo kami nga nagsige og reklamo niining problemaha, pero hangtod karon wala man g’yuy nagpakabana.”
Brgy Luz, Cebu City
“Hangtod karon pabilin pa gihapon ang mga mamaligyaay og shabu sa ilang negosyo diri, apan wala man sila dakpa. Dili man unta kini sila lisud dakpon kay ilado man.”
Brgy Cotcot, Compostela, Cebu
“Ang karsada diri dugay na man kaayo kining gitrabaho pero nganong hangtod karon wala man gihapon kini tiwasa’g trabaho. Usahay mangatanggong ang mga sakyanan diri kay usa ra man ka lane ang mahimong kaagian sa mga sakyanan, labi na sa mga bus.”
Alang sa inyong mga reklamo text lang sa 09083006702
- Latest
