Ayaw ko hikapa

Kini ang giingon sa usa ka estudyante sa dihang gihimo ang pag-pray over kaniya. Ako siyang gipangutana: “Ngano man?! nitubag siya ah basta. Ang tawo hadlok hikapon ug mohikap tungod kay tingali sa unang kasinatian sa paghikap, hikap kini sa pagdagmal o dili ba kaha hikap sa pagpahimulos.

Kini ang hinungdan kun nganong malisud alang nato ang pag-reach out sa tawo sa panahon nga kinahanglanon niya ang atong tabang tungod kay kini ang wa may epekto sa iyang kinabuhi. Gihikap man tuod apan gipasakitan lamang. Ning panahon sa Semana Santa ang Dios nihikap kanato dili aron kita dagmalan kondili aron kita luwason bisan pa man kun kita mismo nga iyang gihikap ang kaniya midagmal.