Buta

Lisud baya gyud ang mabuta. Makapahimo nimo ning incapable sa mga buluhaton nga normal. Apan ang physical blindness wala man magpasabot pud nga ikaw ingon nga physically blind ang nahimong spiritually blind usab. Gani ang physical invalidity di gyud sa tanang panahon ang maghimo sa tawo nga makalolooy ra gyud tan-awon.

Sa Romanian Got Talent dunay batang babaye nga katorse anyos way mga kamot apan ginamit ang tiil iyang gipatingog o gipatukar ang piyano. Ako nga nagtan-aw sa maong show ang natandog pag-ayo sa gipakitang kaisog sa maong bata. Giayo ni Jesus ang buta sa adlaw’ng igpapahulay aron hatagan og hustong kahulogan ang maong balaod. Nga ang pagpahulay dili diay usa ka passive nga pagpahulay apan buhi ug makahatag og kinabuhi.

Protesta usab kini sa nabutaan sa legalistic nga panlantaw sa balaod. Sa kinabuhi bukhon unta nato ang atong mga mata dili lang tungod kay buot kitang masud-ong kondili atong suhiron ang tinud-anay nga diwa sa atong pagsunod sa balaod.