Kauhaw

Kini ang kasagaran natong bation labina sa mga higayon nga nagkinahanglan na gyud kita og tubig labina kun uga na gyud kaayo ang atong mga tutunlan. Apan sa laing bahin, ang kauhaw dili lang sa panginahanglan sa tubig hinunoa sa uban pang mga basic nga panginahanglan sa tawo nga mahimong nag-apil usab sa espirituhanon ug lawasnon nga panginahanglan lakip na niini ang tinguha aron mamahimong magmalipayon ug magmalinawon. Sa ebanghelyo nalipay ug natagbaw ang babayeng Samaryanhon. Natambalan dili lang ang iyang kauhaw sa tubig apan natambalan usab ang iyang tinguha nga sabton ug tahuron bisan pa man sa iyang kahimtang. Ang Ginoo maoy tinubdan sa tubig naghatag og kinabuhi ug ang maong kinabuhi buot niya nga puy-an nato sa paagi nga madagayaon.