Brgy Pusok, Lapu-Lapu City
“Naay basura diri sa Matumbo nagtapok ug baho na kaayo, wala gyu’y naghakot. Ambot niining among mga opisyal diri nga wala man gyud magpakabana pagpakuha niini.
Brgy Carreta, Cebu City
“Puwede pa ba diay makadawat og financial assistance gikan sa 4P’s ang usa ka pamilya bisan og wala na’y anak nga gipa-eskuwela? Naa man gud diri sa among barangay, samtang kami nga pobre unya daghang anak gipaeskwela, wala man iapil.”
Brgy Centro, Mandaue City
“Kining naninda og mga butane diri kilid sa Colonnade kay tayaon na kaayo nga sudlanan ang ilang ihatag, samtang ang among basiyo kay bag-o. Mas maayong dakpon ni sila kay binuang man ang ilang paagi.”
Brgy Lahug, Cebu City
“Concern lang ko niining namaligya’g shabu diri sa may BSP Camp, labi na sa Upper Banica kay grabe na gyud ang ilang pagpamaligya, ladlaran na kaayo, pero wala gyuy nagpakabana sa pagdakop niining mga tawhana.
Brgy Pardo, Cebu City
“Nag-ampo kaming mga nagpuyo diri sa barangay mga masampolan unta kining mga namaligya’g shabu diri sa Tabucanal kay daghan na kaayo ni sila diri. Naa man gani diri nga usa gyud sila ka pamilyahan ang nagnegosyo niining shabu.”
Brgy Pahina-Central, Cebu City
“Kining sa Borromeo Street kay naay daghang parok diha nga mag-estambay ug mag-atang sa ilang kustomer, unya magsige sab na sila’g hantak diha labi na diha sa likud sa may Jollibee.”
Brgy Poblacion, Compostela, Cebu
“Mibalik na man sab ang ilegal nga drugas diri sa Sitio Seaside. Kusog kaayo ang baligyaay bisa’g daghang mga tawo nga magtan-aw. Mga lima ngadto sa unom kini sila ka tawo ang namaligya’g shabu dihang dapita.”
Brgy Lorega-San Miguel, Cebu City
“Kanus-a man intawon aspaltohon ang karsada diri dapit sa may Acasia kay puwerte na man gyung aboga, luoy kaayo ang mga bata. Ang among mga opisyal sa barangay wala pa may aksyon sa among reklamo.”
Brgy Sungko, Bantayan, Cebu
“Amo lang ipadangat kining problema namo sa karsada diri kay puwerte na man gyud nga gubaa pero wala may nagpakabana nga opisyal sa barangay. Kuyaw kaayo kun mag-uwan kay dangog ang dalan, lagmit makadisgrasya.”
Brgy Ibo, Lapu-Lapu City
“Kining likud sa barangay hall namo diri daghan man og namaligya’g shabu, wala man gyu’y nakaako pagdakop o pagtug-an unta bahin sa ilegal nga kalihukan. Naa man unta’y polis nga nagpuyo diri pero wala man kadakop, ambot unsay iyang rason.”
Brgy Pakigne, Minglanilla, Cebu
“Diri sa among lugar grabe na kaayo ang manuyopay, wa’y kahadlok kay bisa’g adlawan manuyop gihapon. Asa na man diay ang gipanghambog sa mga polis nga kampanya sa ilegal drugs, para ra to sa wa maghatagan nila og protection money?
* * *
Alang sa inyong mga reklamo text lang sa 09326425494
- Latest
